قمة العدلة...

هذا الزجل من قرآت جدتي _ حفظها الله _ وهو منذ القديم وعندما قرأته لي صراحة

ذكرني بأوضاع كثيرة في بلدنا الحبيبة الحرة..

كان فيه جدع عنده عزومة

وبيته كان فيه وز سمين

خد وزتين ونادى الطباخ

قاله العوافي يا أسطى أمين

الوزتين دول حمرهم

أرجع ألقيهم جاهزين

اتشمر الاسطى الطباخ

خلص عليهم بالسكين

-------------------------

قاضي البلد كان شيخ مشهور

ظريف وصاحب أفشية

ريقه جري والوز سمين

اتمنى لو كلها نية

نادى يا اسطى الوز لمين

قاله لجماعه أفندية

باعتينه يتحمر عندي

ويرجعه بعد شوية

------------------------

قاله يلا على بيتي وديه

وابعت مع الوز فطيرة

قاله واقول لصحابه ايه

قال طار وشاهدين الجيره

وإن جت قضيتك عندي

يا اسطى أمين تبقى الخيرة

تطلع برأه م التهمه

وتروح وتشرب تعميرة

------------------------

جه صاحب الوز بيجري

قال الأمانه فين راحت؟؟

استهبل الاسطى وقاله

صحيت من الحلة وطارت

قال هات الوز يا حرامي

والناس ف حكايته احتارت

وقعت خناقه ما بين الاتنين

والمغرفه فيها دارت

-----------------------

في وحده حبله بتتفرج

الاسطى خبطتها يده

سقطت والوقعه كانت سوده

والكل انقلبوا ضده

الكل مسكوا ف خناقه

دا يضربوا التاني يزوقه

قام جاب حجر حدفه عليهم

وقع على نايم فقدوا

--------------------------

في الوقت دا واقف الحمّار

وحماره بينهق جاره

اتشعلق الاسطى ف ديله

ملطه وشاعت أخباره

وكمان عليه هجم الحمّار

وعض ودنه من ناره

-------------------

واتقدموا عند القاضي

قال الي وزه راح سلامات

انت يا شيخ ما انتاش عارف

إن الاله يحي الأموات!!

والي بيحي عضم رميم

في قدرته يحي الوزات

يلا ياشيخ اطلع بره

واتقدمت ست الستات

قالت يا سيدي سقطني

قال اندهوه واجيب حده

يد الشقي مست بطنك

ولا هدومك كت فوقه..؟؟

قالت هدومي كت  فوقوا

قال على الهدوم نقطع يده

واتقدموا أهل المقتول

قالوا الجدع دا ما كانله زي

قال تقدروا تجيبوا الاثبات

إن القتيل كان نايم حي..؟؟

قالوا يا سيدي ما نقدرش

قال بره يلا اطلع يا خي

--------------------------

في الوقت دا واقف الحمّار

وحماره الاذعر كان جاره

سمعه البرأة فكره احتار

وقال يا ود غيرك أشطر

نغز حماره وقاله حا

يلا بنا أذعر أذعر